Hopp til innhold

Anna Skeide: Dotter


Tenk ikkje på meg
når du dansar og ler –
ikkje sjå dit eg står
innved grinda ein stad
og ventar.
Du skal leike du,
eg skal stå der eg står
til det lysnar av dag.
Trør du glad over grasbakken
lett som ei hind
går eg lykkeleg bort
under nattsvale tre –
men driv du mot skuggen
med frostblått blikk,
då skal vi følgjast åt heim.

Anna Skeide

Legg igjen en kommentar

Din e-postadresse vil ikke bli publisert. Obligatoriske felt er merket med *